حوار اللاعب شكري الزعلاني... و مرشان...

نحاول/كالمرة السابقة/ ان نحرر الحوار الاخير للموزع الصوتي الخاص بالنادي الافريقي مع المدرب مارشان و اللاعب شكري الزعلاني ....

** ماذا قال المدرب مرشان على مقابلة الملعب التونسي
**شكري الزعلاني يحكي على العقوبة اللي تسلطت عليه
هذه اهم العناوين و اليكم كل التفاصيل...

بعد فرحة الانتصار في الدربي الناس الكل بدات تحضر لمقابلة الستاد نهار الاحد الجاي... بالنسبة للتذاكر باش تكون على ذمة الجماهير نهار الخميس الصباح و باش يتواصل بيعانها نهر الجمعة و نهار السبت.....
وتوة اليكم اش قال المدرب مرشان على مقابلة الستاد...

" نعم هذا دربي جديد... و نعرفوا ان المقابلات الجايين الكل صعاب.... و بدينا التحضيرات من نهار الاحد و باش نحاولو نربحوا باش ناكدوا جدارتنا بالانتصار يوم السبت الفارط ضد الترجي..."

** رايك في عقوبة شكري الزعلاني؟؟

- مرة اخرى نعاني من التحكيم و من الاستفزازات....هذه الحركة مرت... و في ظروف ضغط المباراة...
تفرجت على مقابلة الترجي و النجم... برشة حركات صارت من هنا و هناك لا ريلضية ايضا.... و حسب علمي لم يكن هناك عقوبة... اذن لماذا ينظر الى الافريقي دون غيره... هذا الشيئ يمكن ان يكون غريبا خاصة عندما نرى مردود الحكم في المباراة ... ضربتي جزاء واضحتين و طرد للورتاني الذي شكل لنا اخراجه صدمة... يحق لنا ان نكون منزعجين و غاضبين...

**هل فكرت في معوض لشكري في المقابلات القادمة؟

- مش مسالة خسارة لاعب جيد... المسالة في كيفية خسارته...الان هناك انيس العمري الذي صبر و يحب يرجع لبلاصتو... الان جاء دوره

** بالنسبة للورتاني و السلامي ؟

اذا تاملنا المقابلة نجد ان الهيشري قام بعمل جيد في هذا المكان... انتظر التاكيد في المقابلة التطبيقية غدا... تعرفون انه هناك بطولة المبية و تقريبا نصف الفريق يلعب مع المنتخب الالمبي مثل الغرزول.الهيشري.. لوصيف.. السويسي..الذوادي..
** مقابلة الستاد ماهيش ساهلة؟؟

-ما ثماش مقابلة ساهلة... لا لينا و لا لغيرنا..الكل عليه ان يقاتل... سواء لضمان البقاء..او للمحافظة على الصدارة.. بالنسبة لنا يجب علينا المحافظة على المرتبة الاولى و على القدرة الهجومية في كل الاوقات و على الجميع تاكيد الوجه الطيب يوم السبت الفارط..

** الجمهور متخوف من انخفاظ مردود الملاعبية بعد الوجه الطيب اللي قدموه ضد الترجي؟

-- لا لا مش صحيح ديما يقولو هكة على الافريقي... احنا في الطليعة على خاطر احنا مردودنا منتظم اكثر من الاخرين وحتى في شهر رمضان وقت اللي لعبنا ضد المرسى و حمام الانف و الكرم... لعبنا 11 مقابلة فيهم9 انتصارات هذا يدل على انو لم نخسر الكثير.. و من بعد عملنا 4 او 5 انتصارات متتالية و تعادل في قفصة... وبعد ما لعبنا ضد النجم ربحنا باجة بنتيجة عريضة و من بعد روحنا بانتصار من بنزرت... الكاس مقابلة خاصة

** اش تقول للناس اللي تقول انو مرشان ما يلقاش الحل للفرق اللي تسكر اللعب؟؟

- كل المدربين في العالم يواجهو هذا المشكل ... بالنسبة ليا فريق يلعب قدام مرماه و بكثافة و مايخليش المساحات للمنافس هذه مشكلة الفريق... ما ثماش مدرب عندو الحل الجاهز ... هذه مسالة مهارات فردية امام المرمى ... نتمنى الان و مع بيضوضان انو يترجم الفرص اللي تتاح لينا امام المرمى الى اهداف

** بش نشوفوا بيضوضان و بو قرة يلعبوا مع بعضهم؟؟

- اريد ذلك... لكن المشكل هو انو هناك مشكل الاجانب..لو نحب نلعبهم الاثنين يلزمني نخرج بوكنغ و الا نجانكا وفي هذه المرحلة بوكنغ ربح المكان متاعو... في حين لا يمكن النقاش حول نجانكا...

** كيف كيف اتصلنا باللاعب شكري الزعلاني وحبينا نعرفو حقيقة العقوبة متاع 6 مقابلات و 300 دينار خطية
هاو اش قال:
-اش باش نقلك... انا بيدي سمعت و قعدت باهت في القرار كيفاش خذاوه ...اللجنة تجتمع اليوم العشية و هوما عملوه قبل... حسب ما سمعت القرار خذاوه زوز من ناس ما نعرفش على شنوة استندوا باش خذاو القرار هذا ... انا ما عملت حتى شيئ ... يمكن كان حتى جمهور الترجي كان شاف اللي انا عملت حاجة راهو كانت ردة الفعل متاعو خايبة ...في التلفزة ما رينا حتى شيئ ... يضهرلي مراقب المباراة هو اللي شاف الحكاية الكل و ما نعرفش شنوة شاف... انا عبرت على فرحتي كيما صحابي الكل صحابي مشاو لجماهير الافريقي و انا بحكم المكان متاعي لتالي شوية متاخر على صحابي ... عبر على فرحتي من مكاني و من بعد مشيت لجماهير النادي الافريقي... هو شاف اللي انا عملت حركة لا اخلاقية... الناس الكل تعرفني و ما عنديش الحركات من النوع هذاكا... و احنا ديما نراوهم الحركات اللي تصير في الملعب... نتذكروا العام الفارط في الدور النهائي زياد البحايري جانا قدام البنك متاعنا و عمل حركة وشافوه الناس الكل و شافوه حتى في التلفزة ... برشة مرات... حسان القابسي شافوه ... خالد بدرة كيف كيف... برشة لاعبين من الترجي قاموا باكثر من هكة و قدام اعين الكاميرا و ما عملولهم حتى شيئ... جات اليوم...علاش؟؟ الله اعلم القرار شكون خذاه ... ورقة المباراة ما فيها شيئ .... بعض الاعضاء الجامعيين ما سمعوش بيها الحكاية... حتى علي لبيض كي سئلوه قال والله لا في بالي بيها الحكاية... اش باش نقلك... ربي يهدي اللي كان السبب ...

** فيهاش شريان شطر عقوبة شكري؟

- هوما ما نعرفش من اي بند خذاو منوا العقوبة قالك 6 مقابلات و300 دينار خطية و ما ثماش مجال لشريان العقوبة...
اللي و قع سوء ترجمة للكلمة اخلاقية/لا اخلاقية؟؟؟ حسب القانون... 2 مقابلات على اقصى تقدير... حبوا يكبروا الامور و يهولوها و يحبوا يفسدوا الجو و الفرح متاع النادي الافريقي و يحبوا يدخلوه في حكايات فارغة...
احنا شفنا لسعد الورتاني الاقصاء متاعو ما نعرفش كيفاش كان و شفنا السلامي يتغيب بسببب الانذار الثالث و انا عقوبة بجمعتين.. لو كان تتصور انت لو تجي اصابة والا اثنين للاعبين اخرين.....؟؟؟؟ هذا كل لشكون؟ ؟...بالطبيعة ضد مصلحة النادي الافريقي

** اش كون تراه يكون احسن معوض لشكري ؟

- المكان هو مكان صاحبه قبلي انيس العمري تبارك الله هو متعود من قبل يلعب في المكان هذاكا ... الناس الكل ما يلزمهاش تخاف على مكان الظهير الايسر على خاطر العمري لاعب كبير و عندو تجربة و موهبة كبيرتين و ينجم يعوض خير منى انا في المكان هذاكا ...
المشكلة الوحيدة هو انهم يحبوا يفسدوا الجو و يدخلوا البلبلة بين اللاعبين و المسيرين في النادي الافريقي...

تحياتي
_________________
حوار اللاعب شكري الزعلاني... و مرشان... 65646599

حوار اللاعب شكري الزعلاني... و مرشان... 65646599

مشكوور اخي دمعه مجروحه على الموضوع

مشكور
تحياتي

مشكور
على
المرور
تقبل
تحياتي